O‘zbekiston Qozog‘istonga atalgan suvga tegmaydi – ozodlik.org

11.08.2011

Elmurod

Qozog‘istonga suv berish masalasi O‘zbekiston, Tojikiston va Qirg‘iziston ishtirokida Xo‘jandda ijobiy hal etildi.

O‘zbekiston Qirg‘izistondan Qozog‘istonga berilayotgan suvni o‘zlashtirmaslik majburiyatini oldi, Qirg‘iziston esa bu majburiyatning bajarilishini ta’minlash maqsadida O‘zbekiston va Qozog‘istonga beriladigan suv miqdorini ko‘paytirdi.

Qozog‘iston delegatsiyasi avgust oyining boshida bir hafta davomida Bishkekda qirg‘iz rasmiylari bilan suv borasida muzokara olib borgan edi.

Qozoq sudi o‘zbekistonlik narkokur’erni 15 yilga qamadi – ozodlik.org

03.08.2011

Pavlodarda o‘zbekistonlik  narkokur’er 15 yillik qamoq jazosiga hukm etildi.

Bu haqda xabar tarqatgan Kazakhstan Today nashriga ko‘ra, qozoq mahkamasi O‘zbekiston fuqarosini sotish maqsadida katta miqdordagi geroinni noqonuniy ravishda olib kirish, saqlash va tashishda aybdor deb topgan.

Narkokur’er, aytilishicha, jazoni kuchaytirilgan tartibdagi koloniyada o‘taydi.

‘Nursulton Nazarboevning siyosiy vorisi kuyovi Timur Quliboev bo‘lishi mumkin’ – bbc uzbek

25 iyul 2011

Ioxannes Dell

Bi-bi-si muharriri

Agar Prezident Nursulton Nazarboev to‘satdan iste’foga chiqsa, uning kuyovi Temur Quliboev Qozog‘iston rahbari bo‘lishi mumkin.

Bu haqda aytgan Qozog‘iston prezidentining katta maslahatchisi Ermuhamet Ertisbaev Moskvada nashr etiladigan “Kommersantь” ro‘znomasiga ma’lum qilgan.

Timur Quliboev yanada qudratliroq salohiyatga ega bo‘lishi mumkinligi haqidagi taxminlar shu yil boshida u Qozog‘istonning “Samruk-Xazina”siga rahbar etib tayinlanganida yuzga kelgandi.

Nega bugun Qozog‘istonda siyosiy vorislik masalasi ko‘tarilib qoldi? – bbc uzbek

25 iyul 2011

Agar Prezident Nursulton Nazarboev to‘satdan iste’foga chiqsa, uning kuyovi Temur Quliboev Qozog‘iston rahbari bo‘lishi mumkin.

Bu haqda aytgan Qozog‘iston prezidentining katta maslahatchisi Ermuhamet Ertisbaev Moskvada nashr etiluvchi “Kommersantь” ro‘znomasiga ma’lum qilgan.

Uning bu so‘zlari o‘tgan hafta Olmoniya matbuotida Prezident Nursulton Nazarboevning prostata saratonidan davolanish uchun Hamburg shahrida jarrohlik amaliyoti o‘tkazgani haqidagi xabarlar ortidan yangragan.

Nursulton Nazarboevning o‘rtancha kuyovi Temur Quliboev Qozog‘iston Yalpi Ichki mahsulotining 53 foizini idora etuvchi “Samruk Xazina” fondiga rahbarlik qiladi.