Ekonomist jurnalidagi maqola Qirg‘izistondagi o‘zbeklar kamsitilishini yoritgan – bbc uzbek

15 avgust 2011

Qirg‘iziston janubidagi zo‘ravonliklar tugashi bilan mahalliy o‘zbeklarning ahvoli yanada nochorlashdi

Londonda nashr etiladigan Ekonomist haftaligi e’lon qilgan maqola “Omonat devorlar, yomon qo‘shnilar” deb sarlavhalangan.

U 2010 yil iyunidagi Qirg‘iziston janubidagi millatlararo nizolardan keyingi vaziyatga bag‘ishlangan.

Unda zo‘ravonliklarda eng ko‘p zarar ko‘rgan mahalliy o‘zbeklar yuz tutayotgan kamsitish va tahqirlashlar yoritiladi.

Qirg‘izistonda 83 kishi prezidentlik orzusida – ozodlik.org

16.08.2011

Qirg‘izistonda mamlakat prezidenti lavozimiga nomzod ko‘rsatish muddati yakuniga etdi.

Markaziy saylov komissiyasidan olingan ma’lumotga qaraganda, 16 avgust kuni soat 00.00 gacha Qirg‘izistonda prezidentlikka nomzod sifatida saylovda ishtirok etish niyatini 83 kishi bildirgan va bu haqdagi arizasini komissiyaga topshirgan.

83 kishining 16 nafari partiyalardan ko‘rsatilgan nomzodlar bo‘lib, 67 nafar qirg‘izistonlik esa o‘z nomzodini o‘zi ilgari surgan. Nomzodlarning olti nafari ayollardir.

Mari Poul: Qirg‘iz militsiyasida xohlagan ishni qilish va jazosiz qolish madaniyati shakllangan – bbc uzbek

12 avgust 2011

Inson huquqlarini himoya qilish bo‘yicha xalqaro Human Rights Watch tashkiloti Qirg‘izistonning Jalolobod viloyati Bozorqo‘rg‘on tumanida 41 yoshli Usmonjon Xolmirzaevning qiynoqlardan o‘lgani haqidagi da’volarni har tomonlama tekshirishga chaqirgan.

“Qirg‘iziston rasmiylari qiynoq ayblovlari bo‘yicha zudlik bilan samarali va to‘laqonli tergovni ta’minlashlari hamda uning oilasiga tovon puli to‘lashi kerak”, deyiladi Human Rights Watch tashkiloti bayonotida.

O‘sh meri Melis: “Men prezident bo‘laman!” – yangifikr.com

Yaqinda oqsoqollarni yig‘ib gaplashayotgan O‘sh shaxar meri Melis Mirzaaqmatov “Men prezidentlik saylovlarida qatnashishim kerak. Mening boshimga million tikilgan” deb qoldi.

Bundan bir necha oy muqaddam, Mirzaaqmatov xuquq tartibot tashkilotlari xodimlari ishtirokida o‘tkazan maxsus yig‘inda, o‘tgan yilgi qonli voqealarda jabrlangan qirg‘izlar xaqida barcha ma’lumotlarni yig‘ib, kitob xoliga keltirish xaqida ko‘rsatma bergandi.

Bo‘hton ma’lumotlarga to‘la bo‘lgan “jabrlanuvchi” millat xaqidagi kitobda zig‘ircha xam xaqiqat bo‘lmasligi kundek ravshan.

Xolmirzaevning qotillariga jinoiy ish ochildi – ozodlik.org

Guvohlarning aytishlaricha, Qirg‘iziston janubida militsiya bedodligi o‘tgan yil iyunidan buyon davom etmoqda.

10.08.2011

Sherzod

Bozorqo‘rg‘on tuman prokuraturasi militsiya xodimlari tomonidan kaltaklangan Usmonjon Xolmirzaevning o‘limi yuzasidan jinoyat ishi qo‘zg‘adi.

Bu ma’lumotni Ozodlikka Qirg‘iziston Bosh prokuroturasi matbuot kotibi Talant Qo‘no‘qbaev tasdiqladi.

Uning aytishicha, 7 avgust kuni Bozorqo‘rg‘on tuman militsiya bo‘limida kaltaklangan va 9 avgust kuni tuman kasalxonasida joni uzilgan asli bozorqo‘rg‘onlik, ayni paytda Rossiya fuqarosi bo‘lgan Usmonjon Xolmirzaev o‘limi yuzasidan Bozorqo‘rg‘on tuman prokuraturasi Qirg‘iziston Jinoyat kodeksining 104-moddasi 4-bandi (Qasddan og‘ir tan jarohati etkazganlik) va 305-moddasi (xizmat vakolatlarini suiiste’mol qilganlik) bo‘yicha jinoiy ish ochgan.

O‘zbekiston qirg‘iz mulozimlarini chegara vaziyatini tanglashtirishda aybladi – bbc uzbek

10 avgust 2011

Qirg‘iz chegarachilari

O‘zbekiston Milliy Xavfsizlik Xizmati Davlat chegara qo‘mitasi O‘zbekistonning So‘x anklavi va Qirg‘iziston o‘rtasidagi chegara hududlarida vaziyat taranglashib borayotganidan tashvish bildirgan.

Qo‘mita buning uchun Qirg‘izistonning Botken viloyatidagi ayrim mahalliy mulozimlarni ayblagan.

Davlat chegara qo‘mitasi qirg‘iz tomoni So‘x anklaviga o‘tish nuqtalaridan biri – “Gazprom”ni berkitib qo‘yishi ortidan O‘zbekiston ham ayni chegera nuqtasining o‘ziga tegishli qismini berkitishga majbur bo‘lganini bildirgan.

Chegara aniqlovchilar navbatdagi majlisga yig‘ildi – ozodlik.org

09.08.2011

Elmurod

Qirg‘izistonning Botken viloyati Qadamjoy tumanida o‘zbek-qirg‘iz chegarasini aniqlash bo‘yicha davlatlararo komissiyasining navbatdagi muzokaralari boshlandi.

Bu haqda Qirg‘iziston chegara xizmati raisi o‘rinbosari Taalaybek Adashpasov bildirdi.

- 2011 yilda O‘zbekiston va Tojikiston bilan chegaralarni aniqlash jarayoni qayta jonlandi. Hozirgi kunda muzokaralar Qadamjoy tumanida olib borilmoqda. Ammo davlatlararo komissiya hamma masalalarni hal etish salohiyatiga ega emas, chunki chegarada hukumat rahbarlari darajasida hal etilishi zarur bo‘lgan muammolar bor, – dedi Taalaybek Adashpasov.

Bishkekda islohot umidini “dafn” etmoqchilar – ozodlik.org

Sud tizimini nazorat qilish fuqarolik kengashi a’zosi Aziza Abdurasulova qochqinlarni O‘zbekistonga berib yuborgan Azimbek Beknazarovning Konstitutsiyaviy sudga saylanishi mantiqsizlik ekanini aytadi.

03.08.2011

Elmurod

 

Qirg‘iziston poytaxtida 3 avgust kuni Sud tizimini nazorat qilish fuqarolik kengashi a’zolari “Sud islohoti umidining dafn etilishi” deb nomlangan norozilik namoyishi o‘tkazdi.

3 avgust kuni Qirg‘iziston Sudyalarni tanlash bo‘yicha kengash Konstitutsiyaviy palata a’zoligiga 25 odam o‘z nomzodini ko‘rsatganini, ulardan 11 nafari tanlab olinishini bildirdi.

Bishkekdagi o‘yin qattiq nazorat ostida o‘tadi – ozodlik.org

27 iyul kuni Bishkekka kelgan o‘zbek delegatsiyasi vakillari payshanba kuni o‘tkazilajak o‘yinda ham o‘z muxlislarini xursand qilishga harakat qilajaklari aytdilar.

27.07.2011

Sherzod

Bu haqda Qirg‘iziston va O‘zbekiston terma jamoalari o‘rtasidagi futbol o‘yinini uyushtirish uchun mas’ul bo‘lgan shaxslar bildirdilar.

Futbol bo‘yicha 2014 yilgi jahon birinchiligining saralash o‘yinlari doirasida O‘zbekiston milliy jamoasi 28 iyul kuni Qirg‘iziston guruhiga qarshi maydonga tushadi.

O‘zbekiston milliy terma jamoasi katta murabbiysi Shuhrat Maqsudovga ko‘ra, 27 iyul kuni Bishkekka u boshchiligida bir necha o‘zbek futbolchisi kelgan:

Qirg‘izistonlik narkoqirol Abu Dabida ushlandi – ozodlik.org

Qator jinoyatlarda ayblangan Qamchi Ko‘lbaev Xalqaro politsiya (Interpol) yo‘nalishi orqali ham qidirilayotgandi.

21.07.2011

Sherzod

AQSh prezidenti tomonidan “Dunyodagi eng yirik narkoqirollar” qora ro‘yxatiga kiritilgan Qamchi Ko‘lbaev Birlashgan Arab Amirliklarida qo‘lga olindi.

Bu haqda Ozodlikka ma’lum qilgan Qirg‘iziston Ichki ishlar vazirining muovini Melis Turg‘anbaevga ko‘ra, Birlashgan Arab Amirliklari politsiyasi shu yilning 21 iyul kuni ertalab qirg‘izistonlik hamkasblariga “qonundagi o‘g‘ri” Qamchi Ko‘lbaev va uning o‘ng qo‘li sifatida talqin qilinuvchi Almanbet Anapiyaev qo‘lga olinganini ma’lum qilgan: